यलय् ज्यापू समाजया वृद्धाश्रमय् ११० बेडया आइसोलेसन सेन्टर सुरू

यलय् ज्यापू समाजया वृद्धाश्रमय् ११० बेडया आइसोलेसन सेन्टर सुरू


बैशाख २५ - यलय् ज्यापू समाज यलया वृद्धाश्रमय् कोभिड उपचारया लागि ११० बेडया आइसोलेसन सेन्टर सुरू याःगु दु। यल महानगरपालिका, ज्यापु समाज यल व सुन्दर ढोका साथी सेवादथुइ त्रिपक्षीय सम्झौताकथं आइसोलेसन सेन्टर शुरु याःगु खः । 

सम्झौता पतिइ यल महानगरया मेयर चिरीबाबु महर्जन ,ज्यापु समाज यलया अध्यक्ष चन्द्र महर्जन, सुन्दर ढोका साथी सेवाया कार्यकारी निर्देशक विकास अधिकारीइ ल्हाचिं तयादिगु खः। महानगरपालिकाया वडा ल्याः ४ बागडोलय् दुगु वृद्धाश्रमय् आइसोलेसन सेन्टर शुरु याःगु खः। सुन्दर ढोका साथी सेवां आइसोलेसन सेन्टरया लागि नसाज्वलं उपलब्ध याइगु जूगु दु। 

महानगरया मेयर चिरीबाबु महर्जनं महानगरवासीया स्वास्थ्य व सुरक्षाय् छुं नं कमी जुइके मबिइगु धयादिल। न्हापांगु प्राथमिकता कोभिड महामारीपाखें नागरिकयात बचे यायेगु जूगु धासें वय्कलं महानगरं वडा ल्याः ३ य् दुगु मदनस्मारक स्कूलया तकूगु हलयात नं आइसोलेसन सेन्टर दयेकेत तयारी जूगु धयादिल। 

महानगरं नेपाल युथ फाउन्डेसनया नेपाल पुनर्थापना केन्द्र सुनागूलय् छवाः न्हय् ५० बेडया आईसोलेसन शुरू यायेधुक्कुंगु दुसाः थ्व नापं महानगरं संचालन याःगु  आईसोलेसनया बेड ल्याः १६० थ्यंगु दु।