बुध्द जयन्तीया लसताय् दीप प्रज्वलन



बैशाख २५ - २५६४ क्वःगू बुध्द जयन्तीया लसताय् थीथी विहारय्  बिहिबाः सनिलय् दीप प्रज्वलन याःगु दु ।  शान्तिया कामना यासेंलिसें कोरोना संक्रमितया उपचारय् संलग्न स्वास्थ्यकर्मी, स्वयंसेवी, सहयोगीतप्रति ऐक्यबद्धता प्वकुसें थथे मत च्याकुगु खः ।  अथेहे कोभिड १९ न्हनावनेमाः ,सकल प्राणीजगतया स्वास्थ्य लाभ जुइमा धकाः कामना यासें यलया सुमंगल विहार लगायत थीथी विहारय् भन्तेपिं,गुरूमापिं, भक्तजनलगायतया ब्वति थथे मत च्याकेगु ज्या जुगु खः । अथेहे बिहिबाः सनिलया ७ ता इलय् प्रधानमन्त्री केपी ओलीया इनापय्  शान्तिया कामनालिसें कोरोना संक्रमितया उपचारय् संलग्न स्वास्थ्यकर्मी, स्वयंसेवी, सहयोगीतप्रति ऐक्यबद्धता प्वकेत थःथ:गु संस्था, छेँय् न मत च्याकेगु ज्या न जुगु खः।

भिडियोः रामराजा बज्राचार्य/नेपालमण्डल टेलिभिजन