कन्हय् बहनीनिसें तुलनात्मक रुपय् तसकं वा वइगु छुं छुं पाः जुंजुं वनिगु

कन्हय् बहनीनिसें तुलनात्मक रुपय् तसकं वा वइगु छुं छुं पाः जुंजुं वनिगु
फाइल फोटो


साउन ६ - कन्हय् बहनीनिसें तुलनात्मक रुपय् तसकं वा वइगु छुं छुं पाः जुंजुं वनिगु मौसमविदतयसं धागु दु ।  

मनसुन अझं सक्रिय जुइगु खनेदुगुलिइ देयया थीथी ठासय् अझं छुं दिं मदिक्क वा वइगु संभावना दुगु तर कन्हय् बहनीनिसें तुलनात्मक रुपय् तसकं वा वइगु छु छुं पाः जुइगु पूर्वानुमान जुगु मौसमविद् राजु प्रधानाङगं धयादिल।

वयकया कथं आः नं देयन्यक हे मौसम बदली जुया यक्व ठासय् वा वयाच्वगु दु। विशेषयाना बागमती प्रदेश, प्रदेश २, प्रदेश ५, गण्डकी, सुदुरपश्चिम व कर्णालीइ यक्व वाः वयाच्वगु दु।

अथेहे थौ न्हिनय् बागमती प्रदेश, गण्डकी प्रदेश, प्रदेश २ व प्रदेश १ या छुं छुं ठासय् तसकं वा वइगु संभावना दुगु महाशाखाया मौसमविद् प्रधानाङ्गं जानकारी बियादिल। मनसुनी न्यूनचापिय रेखा नेपालय् दुगुलिइ अझ छुं छुं दिं मदिक्क वा वइगु तर कन्हय् बहनी निसें वा वइगु बुलुहँ कम जुइगु वयकया अनुमान दु।

विशेष याना कर्णाली प्रदेश, प्रदेश ५ व सुदुरपश्चिम प्रदेशय् तसक वा वइगु  कम जुजु वनिगु तर वा धासाः वइगु मदिइगु वयकलं धयादिल ।