थनिनिसें लकडाउन छुं छुं पाइगु

थनिनिसें पीनिताजिया उद्योग चालिगु

थनिनिसें लकडाउन छुं छुं पाइगु


बैशाख २६ - सरकारया निर्णय कथं थनिनिसें पीनिताजिया उद्योग चालेत्यगु दु । वासः, स्वास्थ्य क्षेत्र, कृषि ,पशुपन्छी, विकास निर्माण व आयोजना, ल्वहँ, अर्गचा व फि उत्पादन, लिसें औद्यौगिक उत्पादन सञ्चालन जुगु दु् ।

सरकारं शर्त नाप उत्पादन व सेवाप्रवाहयात सञ्चालन याके बिइगु  निर्णय कथं राजमार्ग व सहायक राजमार्ग क्षेत्रय् स्थानीय प्रशासनया उजं कया होटल रेष्टुरेन्ट न च्याकेफइगु जुगु दु । फयाफतलें न्येगू किलोमिटरया दूरीं  पेट्रोल पम्प, रेष्टुरेन्ट व वर्कशप न चायेके फइ । तर सार्वजनिक यातायात, केवलकार, शैक्षिक संस्था व मनूत मुनिगु थज्याःगु ज्याखँय् धासाः प्रतिवन्ध तयातगु दु । सार्वजनिक सेवासम्बन्धी ज्याकु न थनिनिसें चालेत्यगु दु ।

सरकारी ज्याकु स्वब्वःया छब्वः कर्मचारीया उपस्थितिइ चायेकिगु प्रधानमन्त्री लिसें मन्त्रिपरिषद्या ज्याकुया  सचिव नारायणप्रसाद विडारीं धयादिल । तर फयाफतले अनलाइनपाखें सेवाप्रवाहया ज्या यायेत वयकलं इनाप यानादिल । अथेहे सचिव विडारीं लकडाउन चाले धुंक्का यायेज्यूगु ज्यात हथाय् मचायेत, जोखिम मकायेत व सरकारया निर्देशन पालना यायेत इनाप यानादिगु दु । सरकारं कोरोना भाइरसया सम्भावित जोखिमपाखें बचे जुइगु लागि वइगु जेठ ५ गतेतक लकडाउन थप यागु दु ।

अथेहे अन्तर्राष्ट्रिय नाका, खुल्ला सिमाना व अन्तर्राष्ट्रिय उडान न जेठ १८ गते वाःचाइलय् तकया लागि स्थगित याःगु दु ।