थौं कौलाथ्व अष्टमी, कूछिभ्वय्

थौं कौलाथ्व अष्टमी, कूछिभ्वय्


असोज २७ -  थौं कौलाथ्व अष्टमी थापं, कूछिभ्वय् । नेवाःतयसं छेँजःपिं सकलें मुनाः कूछि कुलिं दानाः भ्वय् नइगुलिं थौंया दिंयात कूछिभ्वय् धयातःगु खः। थौं हे ज्याभःयात स्वस्थनाः पुजा यायेगु नं याइ। थथे स्वस्थंगु ज्याभःयात स्वन्हुतक पुज्यानाः चालं खुनु क्वकाइ।

महाअष्टमीया लसताय् थौं आगंछेँ, कोत लिसें देयन्यकंया थी थी शक्तिपीठय् बाहाँ स्याइगु व पुज्यानाः दुर्गा सप्तशती पाठ याइगु चलन दु। थौ कलपुर्जा, ज्याभः व सवारी साधनयात सुचुपिचु याना बाहाँ स्यानाः पूज्याइगु चलन दु। बाहाँ मस्याइपिन्सं थौं आगंछेय्ँ भुयूफसि व लैं बाहाँ बियाः दुर्गाभवानीयात खीर व नैंक्याः छाइगु चलन दु।

महाअष्टमीया हे लसताय् थौ आगंछेँय् दुर्गाभवानी, महाकाली, महासरस्वती व महालक्ष्मीया प्रतीकया रूपय् छेँछेय्ँ दुगु शस्त्र, वा, जाकि, धिबा, सफु, ग्वय्, फलफूल व नैवेद्य नाप गुगू पुचः तया दुर्गापूजा याइ ।

थौ व कन्हय् दथ्वी लागु चायात दच्छितकया दुने दुगु प्यचा मध्ये छचा जुयाच्वगु कालरात्री चा धकाः धायेगु याः। येँया हनुमानध्वाखा दसैँ छेँया चान्हय् शक्तिरूपिणी दुर्गाभवानीया पूजाअर्चना हर्षबढाइँया नाप न्येप्यम्ह ५४ म्ये व न्येप्यम्ह ५४ दुगुचा स्याना कालरात्रि हनिगु चलन दु। थुगुसिइ कोरोना भाइरसया संक्रमणया जोखिम पाः मजुनिइ धासें ख्वपय् धासाः बां मस्यासें साधारणं कथं पूजा याना तलेजु पुजा जुयाच्वंगु दु।

स्वनिगःया गुह्येश्वरी, मैतीदेवी, कालिकास्थान, भद्रकाली, नक्साल भगवती, शोभा भगवती, विजेश्वरी, इन्द्रायणी, रक्तकाली, बज्रयोगिनी, सङ्कटा, बज्रबाराही, दक्षिणकाली, चामुण्डा, सुन्दरीमाई थेंजास्गु शक्तिपीठय् बां स्यायगु व पुजा याइगु परम्परा दु।

अथेहे, काभ्रेया पलाञ्चोक भगवती, भ्वँतया चण्डेश्वरी, गोरखाया गोरखकाली व मनकामना, सप्तरीया छिन्नमस्ता, नुवाकोटया नुवाकोट भैरवी, डोटीया शैलेश्वरी, धरानया दन्तकाली, नेपालगंजया बागेश्वरी, भोजपुरया सिद्धकाली थेंजाःगु पीठय् नं उत्तिकं हे चहःपहः दइगु दिं खः।