मल्ल के सुन्दरया ‘सेप्टेम्बर १७’ पीदन

मल्ल के सुन्दरया ‘सेप्टेम्बर १७’ पीदन


असोज २ - नेवाः न्ह्यलुवाः, मानवाधिकारकमी, वरिष्ठ साहित्यकार मल्ल के सुन्दरया न्हूगु उपन्यास सेप्टेम्बर १७या विमोचन जूगु दु । नेपालभाषा एकेडेमीया उपकुलपति साहित्यकार यज्ञरत्न धाख्वाःया नायःसुइ न्ह्यागु ज्याझ्वलय् जनकवि दुर्गालाल श्रेष्ठं विमोचन यानादीगु खः। थुगु सफू नेपालभाषा एकेदेमिइ पिकागु खः।  

ज्याझ्वलय् न्ववानादिसें उपन्यासकार मल्लं थःम्हं गुलि नं सफू च्वयाः थःगु नां च्वनेमाः धकाः च्वयागु मखुसें थःगु मांभाय्या निंतिं च्वयागु धयादिल

विमोचित उपन्यासया बारे टिप्पणी यानादिसें लोकसाहित्यविद् मदनसेन वज्राचार्यं नेपालभाषां पिहां वःगु थ्व छगू अन्तर्राष्ट्रियस्तरया उपन्यास जूगु खँ धयादिल ।

उपन्यासकार मल्लया नेवाः भासं पिहांवःगु थ्व न्यागूगु उपन्यास खः । थ्वयां न्ह्य वय्कःया नसना, व लँपु: थ्व पलाः, द पोस्टर, शंखधर साख्वाः उपन्यास पिहाँवयेधुंक्ुंगु दु।