काठमाण्डाैं महानगर चेम्बरपाखें गणेशमान सिहं अस्पतालयात स्वास्थ्य सामग्री प्रदान

काठमाण्डाैं महानगर चेम्बरपाखें  गणेशमान सिहं अस्पतालयात  स्वास्थ्य सामग्री प्रदान


जेठ १८-  काठमाण्डाैं महानगर चेम्बरं यलया महालक्ष्मीस्थानय् दुगु गणेशमान सिहं मेमोरियल हस्पिटल तथा रिर्सच सेन्टरयात कोभिड १९ या जोखिमपाखें बचे जुइगु लागि पीपीइ सेट,  सर्जिकल  मास्क, इन्फारेड थर्मोगन लगायतया स्वास्थ्य सामग्री लल्हागु दु।

अस्पतालया सभाहलय् मूपाहाँलिसें अस्पतालया संरक्षक पूर्व उपप्रधानमन्त्री प्रकाशमान सिंहया जहान सृजना सिंहया उपस्थितिइ थाैं जुगु ज्याझ्वलय् काठमाण्डाैं महानगर चेम्बरया अध्यक्ष पंकजचन्द्र श्रेष्ठं अस्पतालया नाय दिपक प्रकाश बास्कोटायात स्वास्थ्य सामग्री लल्हानादिगु खः। ज्याझ्वलय् महानगर चेम्बरं ५ सेट पीपीइ, ५ सेट गम बुट , ५ सेट गम बुट कभर , ५ थान फेससील, २ थान एन ९५ मास्क, २ थान थर्मोगन, १००० थान सर्जिकल मास्क, १०० थान सर्जिकल ग्लोभ , १०० थान सर्जिकल क्याप लगायतया स्वास्थ्य सामग्री वितरण यागु महानगर चेम्बरया प्रथम उपाध्यक्षलिसें ज्याझ्वःया कजि तेविन्द्ररत्न शाक्यं धयादिल।    

ज्याझ्वलय् नेपाल चेम्बर अफ कमर्सया केन्द्रिय दुज कृष्ण मान श्रेष्ठ, नेपाल मेडिकल एशोसियसनया निवर्तमान नाय डा मुक्ति श्रेष्ठ, अस्पतालया पदाधिकारीपिं लगायतया ब्वति दुगु खः । महानगर चेम्बरं कोरोना  भाइरसको महामारीया इलय् अग्रपंङ्ती च्वना ज्या यायेमापिं स्वास्थ्य लागाय् ज्याःयानाच्वपिं चिकित्सक, नर्स लगायतयात ग्वाहालि यायेगु थपिनिगु दायित्व जुगु धका धागु दु।