गोदावरी नगरपालिकाया मेयर गजेन्द्र महर्जनया इनाप



यलया गोदावरी नगरपालिकाया मेयर गजेन्द्र महर्जनं नगरबासीतयत कोरोना भाइरसया संक्रमण नेनेफुगु खतरायात बिचाः याना नेपाल सरकारं तःगु लकडाउनयात पूर्ण पालना यायेत इनाप यानादिगु दु । कोरोना भाइरसया शंका वसाः परीक्षणया लागि थः नगरबासीतयत बज्रबाराही चापागाँउ अस्पतालय् वनेत न इनाप यासें वयकलं बज्रबाराही माध्यामिक स्कुल,लेलेय् च्वगु क्षयरोग अस्पतालय् ४० अाइसोलेशन बेडया व्यवस्था जुगु न जानकारी बियादिल । लिसें वयकलं विदेशं लिहाँवपिं थः नगरबासीतयत छकः स्वास्थ्य जाँच याकेत बः बियादिल। अथेहे ६ गः एम्बुलेन्सया व्यवस्था जुगु धासें उलि न मगाःगु अवस्थाय् थः व उपमेयरं प्रयोग यानाच्वगु गाडी न एम्बुलेन्सया रूपय् प्रयोग यायेगु घोषणा यानादिल। नाप न्हिया न्हिथं ज्या याना नयेमापिं श्रमिकतयगु विवरण संकलन याना राहत प्याकेज हयेगु धकाः न वयकलं धयादिल ।