थप कोरोना संक्रमित लुसेलिइ छेँय् हे च्वनेत मन्त्रालयया इनाप

आतक ५,१८४ म्हसिगु कोरोना भाइरसया परीक्षण

थप कोरोना संक्रमित लुसेलिइ  छेँय् हे च्वनेत मन्त्रालयया इनाप


चैत ३० - नेपालय् स्वम्ह थप कोरोना संक्रमित लुसेलिइ  स्वास्थ्य मन्त्रालयं लकडाउनया पालना याना छेँय् हे क्‍वारेन्टाइनय् च्वनेत इनाप याःगु दु ।  मन्त्रालयं थै यागु नियमित मिडिया ब्रिफिङया झ्वलय् मन्त्रालयया प्रवक्ता डा विकास देवकोटां मन्त्रालयं परीक्षणया दायरा अप्वयाच्वगु धासें छेँय् च्वनेत इनाप याःगु खः ।

मन्त्रालयं पर्साया वीरगन्ज महानगरपालिका, वडा न. २, छपकैया स्थित मस्जिदय्  शंकास्पद रूपय् च्वनाच्वपिं  २१ म्हसिया  परीक्षणयाः बलय्  उकिं मध्ये स्वम्ह  ३७ दँ, ५५ दँ व  ४४ दँया मिजंतयके कोरोना पोजिटिभ खनेदुगु धकाः धागु खः । इपिं फुक्कं हे भारतीय नागरिक खः। इमितं हाल विरगञ्जया नारायणी अस्पतालया आइसोलेसनय् तयातगु व  स्वास्थ्य अवस्था सामान्य जुगु मन्त्रालयं धागु दु ।

नेपालय्  आतकया  अपडेट कथं  ५,१८४ म्हसिगु कोरोना भाइरसया परीक्षण जुगु दु।