ख्वपय् लखं चुइका बेपत्ता जुम्ह ट्रकचालक सीनाच्वंगु अवस्थाय् लुत

ख्वपय् लखं चुइका बेपत्ता जुम्ह ट्रकचालक सीनाच्वंगु अवस्थाय् लुत


जेठ २९ -  ख्वपय् बुधबाः तसकं वा वसेलिइ वाः वगु ढलं चुइकाः अरनिको राजमार्गय्  बेपत्ता जुम्ह ट्रकया चालक थाै सीनाच्वगु अवस्थाय् लुगु दु ।  

ढः दुने चुइकाः अरनिको राजमार्गय्  बेपत्ता जुम्ह ट्रकचालक नरबहादुर राउत थाै सीनाच्वंगु अवस्थाय् लुगु खः। ख्वपया चुनदेवी घलातेय् खुल्ला त्वताःतगु ढःदुने म्हिग चुइकुम्ह राउत यलया बागमती गाउँपालिका १ भुजेलय् थाैं प्रहरीइ मालेज्या याःबलय् सीनाच्वंगु अवस्थाय् लुगु धकाः महानगरिय प्रहरी परिसर ख्वपया प्रमुख एसपी सविन प्रधानं धयादिल ।

ना ६ ख १६१६ ल्याःया गाडीइ सिमेन्ट तयाहम्ह रावत ६ लेन हाइ वेया सववेपाखें वनेगु झ्वलय् लँय् मुनाच्वंगु लखं  ट्रक यंकेत लःया जा नापे यायेगु झ्वलय् चुइकाः ढं दुने दुहाँवगु एसपी  प्रधानं धयादिल।