मोक्ष बहादुर अमात्यया  हाइकु  सफू  व म्येया सिडि विमोचन

मोक्ष बहादुर अमात्यया  हाइकु  सफू  व म्येया सिडि विमोचन


फागुन २८ - वरिष्ठ साहित्यकार मोक्ष बहादुर अमात्यया  हाइकु  सफू  तिकि तिकि व म्येया सिडि छ व जि विमोचन जुगु दु। बिहिवाः शिलाचह्रेया दिं खुन्हु साहित्यकार डा हिमांसु थापाया मू पाहाँसूई येँय् जुगु ज्याझ्वलय अमात्यया सफू व म्येया सिडि विमोचन जुःगु खः ।  

ईलोंहँ प्रकाशन प्रालिया नायः नरेशबिर शाक्य्या सभानायूई जुगु ज्याझ्वलय् साहित्यकारपिंं यज्ञरत्न धाख्वाः, डा पुष्पराज राजकिर्णीकार, सुरेश प्रधान लगायतं सफूया बारे थःथःगु खँ तयादिगु खः।

वरिष्ठ  संगितकार अमरराज राजोपाध्यायं म्येया सिडिया बारे खँ तयादिगु खः। ज्याझ्वलय् साहित्यकार अमात्यं थःगु सफू व म्येया बारे चर्चा यानादिगु खःसा ईलोंह प्रकाशनया ब्यवस्थापक दर्शनविर शाक्यं प्रकाशनं याना वयाच्वंगु सफूयाबारे जानकारी बियादिगु खः।

सफू व म्येया सिडि ईलोंह प्रकाशनं पिकागु खः। थ्वया न्हय् साहित्यकार अमात्यया जनबहाद्यःया बाखँ, छंगु हे नामय् कृतित पीथने धुंंक्कुंगु दु।