लिपुलेकय् भारतं लँ दयेकुगुयात कया नेपाःया आपत्ति

लिपुलेकय् भारतं लँ दयेकुगुयात कया नेपाःया आपत्ति


बैशाख २७ - भारतं नेपाली भूमी लिपुलेक जुया मानसरोबर वनिगु  लँ दयेकुसेलिइ नेपालं उकिया विरोध याःगु दु।परराष्ट्र मन्त्रालयं शनिबाः विज्ञप्ति पिकया भारतीय कदमया विरोध याःगु खः ।  भारतया उगु एकपक्षीय कदमं निगु देयदथुइया द्विपक्षीय सहमती व निगू देयया प्रधानमन्त्री तहलय् जुगु समझदारीया न उल्लंघन जुगु विज्ञप्तिइ न्ह्यथनातगु दु ।

सुगौली सन्धिकथं लिम्पियाधुरा, कालापानी व लिपुलेक नापं काली (महाकाली) खुसिया पूर्वक्षेत्र नेपाली भूभाग जुगु प्रष्ट जुगु व लिपांगु इलय् भारतं जारी याःगु नक्साया सम्बन्धय् छ्वगु कूटनीतिक नोटय् न उकियात न्ह्यथनातगु मन्त्रालयं धागु दु ।