कोरोना संक्रमणयात त्याकुपिं ४ म्ह थ्यन

आइतबाः कैलालीया २१ दँया मिज सेती प्रादेशिक अस्पतालं   डिस्चार्ज

कोरोना संक्रमणयात त्याकुपिं ४ म्ह थ्यन


बैशाख ७ - नेपालय्  कोरोना संक्रमणयात त्याकुपिं ४ म्ह थ्यगु दु । शनिबाः छन्हू हे निम्ह लंका छेँय् लिहाँवगु खसाः  आइतबाः न छम्ह अस्पतालं  डिस्चार्ज  जुगु दु । आइतबाः कैलालीया २१ दँया मिजं न संक्रमणयात त्याका सेती प्रादेशिक अस्पतालं   डिस्चार्ज जुया छेँय् लिहाँझागु खः  । वयकया निगुगू व स्वगुगू रिपोर्ट नेगेटिभ वसेलिइ थाै सनिलय् डिस्चार्ज जुयादिगु खः ।भारतया मुम्बईं न लिहाँवम्ह वयक नेपाःया गुम्हम्ह संक्रमित जुयादिइ । 

कैलालीया लम्कीचुहा नगरपालिका–९ प्रतापपुरया वयकयात  कोरोना जुगु चैत २१ गते पुष्टी जुगु खः । 

नेपाःया कोरोना संक्रमितया ल्या ३१ थ्यगु दुसाः २७ म्हसिया थीथी अस्पतालय् वासः जुयाच्वगु दु । गुकि मध्ये टेकु अस्पतालय् १, पाटन अस्पतालय् २, बालगुङय्  १, धनगढीइ  ४ म्ह , विरगञ्जय्   ४, भरतपुरय्  २ व विराटनगरय्  १३ म्हसिया वासः जुयाच्वगु दु ।