कालापानी, लिम्पुयाधुरा व लिपुलेक दुथ्यागु न्हूगु नक्सा पारित

कालापानी, लिम्पुयाधुरा व लिपुलेक दुथ्यागु न्हूगु नक्सा पारित


जेठ ६ - सरकारं नेपाःया कालापानी, लिम्पुयाधुरा व लिपुलेक क्षेत्र दुथ्यागु न्हूगु नक्सा पारित याःगु दु । म्हिगः बहनी च्वंगु मन्त्रिपरिषद बैठकं नेपाःया नक्सा अद्यावधिक याना न्हूगु नक्सा पारित याःगु खः ।

मन्त्रीपरिषद बैठकय् भूमि व्यवस्था, सहकारी तथा गरिबी निवारण मन्त्रालयपाखें प्रस्तावित नेपाःया नक्सा स्वीकृत याःगु सरकारया प्रवक्ता लिसें सूचना तथा सञ्चार प्रविधि तथा अर्थमन्त्री डा युवराज खतिवडां जानकारी बियादिल । थ्व नक्सां नेपाया प्यगुलिइ दिशाया अन्तर्राष्ट्रिय सीमासहित राजनीतिक व प्रशासनिक प्रबन्ध न दुथ्यागु वयकलं जानकारी बियादिल । थ्व नक्साय् नेपाःया सङ्घीयता कथंया प्रदेश व पालिका न दुथ्याःगु व वहे कथं निशानछाप, सरकारी ज्याखँय् प्रयोग जुइगु नक्सा, पाठ्यपुस्तक व फुक्कं सार्वजनिक प्रयोगय् हइगु नेपाःया नक्सा अद्यावधिक जुइगु नं मन्त्री खतिवडां धयादिल जानकारी बियादिल ।

नेपालं आःतक औपचारिक रुपय् प्रयोग यानाच्वंगु नक्साय् लिम्पियाधुरा व लिपुलेक क्षेत्र दुथ्यागु मदु । नेपाःया पश्चिमी सीमाय् दुगु लिपुलेक क्षेत्रय् भारतं लँ दयेकुसेलिइ उकिया न्यकभनं विरोध जुगुलिइ सरकारं थ्व निर्णय याःगु खः ।