थसिया गुपु हिति निर्माण ज्या अन्तिम चरणय्

थसिया गुपु हिति निर्माण ज्या अन्तिम चरणय्


जेठ ३१ - महालक्ष्मी नगरपालिका वडा ल्याः ६ सिद्धिपुर थसि देवननीइ दुगु पुरातात्त्विक महत्वं जाःगु पुखु पुननिर्माणया झ्वलय् गुपु हिति निर्माणया ज्या अन्तिम चरणय् थ्यगु दु।

महालक्ष्मी नगरपालिका वडा ल्या ६ सिद्धिपुरया आर्थिक वर्ष ०७६/०७७ या विनियोजित बजेट १० लख तका व स्थानिय समुदायया २ लख तका याना मुक्क १२ लख तकाया बजेटय् सिद्धिपुर देवननीइ दुगु न्हु पुखुया पूर्वरिखे च्वंगु पुखु पुननिर्माणया झ्वलय् गुपु हिति निर्माणया ज्या अन्तिम चरणय् थ्यगु खः।

नेपाल सरकारं कोरोना भाइरसया कारण  तकमछि लकडाउन ताहाकः यासाः नं सिद्धिपुरय् सामाजिक दुरीयात कायम याना विकास निर्माणया ज्या जुयाच्वंगु सिद्धिपुरया समाजसेवी रविन्द्रप्रसाद नेम्कुलं धयादिल।