दरबार हत्याकाण्ड जुगु १९ दँः घटना अझं रहस्यमय

दरबार हत्याकाण्ड जुगु १९ दँः घटना अझं रहस्यमय


जेठ १९ - दरबार हत्याकाण्ड जुगु झिंगुदँ पूंवन । २०५८ साल जेठ १९ गते दरवारदुने जुगु गोलीकाण्डय् अबलेया जुगु वीरेन्द्रया बंश हे नाश जुइकथं राजपरिवारया फुक्क दुजया छगु हे ठासय् हत्या जुगु खः ।

हत्याकाण्डय् अबलेया जुजु वीरेन्द्र, लानी ऐश्वर्य, युवराज दीपेन्द्र, अधिराजकुमार निराजन, राजकुमारी श्रुती नाप झिंम्ह मदुगु खः । घटना लिपा तत्कालिन सरकारं गठन याःगु समितिइ छानबिन लिपा तयार याःगु प्रतिवेदनं घटना तत्कालिन युवराज दीपेन्द्रपाखे जुगु ठहर यासाः थुकियात आपासियां विश्वास याःगु मदु । घटनालिपा घाःपा जुम्ह दिपेन्द्रयात अस्पतालय् तुं जुजु  घोषणा याःगु खः । अस्पतालय् दिपेन्द्र मदुसेलिइ तत्कालिन ज्ञानेन्द्र शाह नेपाःया न्हूम्ह जुजु जुयादिगु खः ।

हत्याकाण्ड जुगु नारायणहिटी लायकुयात आः संग्राहालय दयेकाः सर्वसाधारणया लागि खुला याःगु दु। छानविन समितिया प्रतिवेदन विश्वासकायेबहजु मजुगु धासें हत्याकाण्डबारे हाकनं  छानबिन जुइमागु माग न वयाच्वगु दुसाः नेपाली नागरिकं गबले लोमके मफइगु त्रासदीपूर्ण घटनालिपा राजनीतिइ न्हुगु मोड काःगु दु ।