लकडाउनया ९ न्हूया दिं, २०० लं मल्याक सवारी साधन नियन्त्रण

लकडाउन उल्लंघन याःपिं १,५०० लं मल्याकसित नियन्त्रणय् काःगु दु । अथेहे लकडाउन उल्लंघन याःगु २०० लं मल्याक सवारी साधनयात न नियन्त्रणय् कयागु धकाः प्रहरीं धागु दु ।

लकडाउनया ९ न्हूया दिं, २०० लं मल्याक सवारी साधन नियन्त्रण


चैत १९ - कोरोना भाइरसया संक्रमण फैले जुइके मबिइत सरकारं लागू याःगु लकडाउनया ९ न्हूया दिं बुधबाः स्वनिगः नाप देयया  मू मू  शहर सुनसान जुयाच्वगु दु।  लकडाउन उल्लंघन यापिन्त प्रहरीं नियन्त्रणय् काःगु दु । प्रहरीं लकडाउन उल्लंघन याःपिं १,५०० लं मल्याकसित नियन्त्रणय् काःगु दु । अथेहे लकडाउन उल्लंघन याःगु २०० लं मल्याक सवारी साधनयात न नियन्त्रणय् कयागु धकाः प्रहरीं धागु दु ।

लकडाउनया इलय् ज्या मदयेकं न्यासी जुयाच्वपिन्त प्रहरीं कारबाही यानाच्वंगु दु । कारवाही स्वरुप सडकय् पिहाँवइपिन्त नियन्त्रणय् कया वहे ठासय् ४ घाै थनातयेगु नीति प्रहरीं काःगु दु ।

विश्वव्यापीरूपय् कोरोना भइरसया महामारी अप्वसेलिइ सरकारं वंगु चैत ११ गतेनिसें  लागू जुइकथं अत्यावश्यक बाहेक पिहाँमवयेत  आदेश जारी याःगु खः ।