थुगुसिया एसईई जाँच मकाइगु जुल

थुगुसिया एसईई जाँच मकाइगु जुल


जेठ २८ - थुगुसिया माध्यमिक शिक्षा परीक्षा (एसईई) मकाइगु जुगु दु ।

मन्त्रिपरिषदया थाै सनिलय् च्वंगु बैठकं स्कुलया  आन्तरिम मूल्यांकनया आधारय् ग्रेड निर्धारण यायेगु निर्णय याःगु खः।शिक्षा मन्त्रालयं आन्तरिक मूल्याङ्कन, प्रदेशगतरुपय् जाँच काइगु वा विद्यमान कानूनयात संशोधन याना १२ तगिमय् जक राष्ट्रियस्तरया एसइई जाँच कायेगु थज्याःगु विकल्प पेश याःगु खः। तर स्कुलतयत क्वारेन्टिन दयेकातगुलिइ तत्काल जाँच कायेगु सम्भव मजुगु खः।

आः स्कुलतयसं आन्तरिम मूल्यांकनया नम्बर परीक्षा बोर्डय् छवइसाः उकिया आधारय् ग्रेड निर्धारण याना लिच्व पिकाइगु जुगु दु।

वंगु चैत ६ गते जुइ धयातगु १० तगिया एसइई जाँच कोरोना जोखिमया कारण छन्हू न्हय् चैत ५ गते कोरोना रोकथाम तथा नियन्त्रण उच्चस्तरीय समन्वय समितिया निर्णय लिपा स्थगित जुगु खः।