जिमिथाय् कोरोना संक्रमित लुगु मदु : नर्भिक अस्पताल

जिमिथाय् कोरोना संक्रमित लुगु मदु :  नर्भिक अस्पताल


बैशाख १० - येँया  थापाथलीस्थित नर्भिक अस्पतालय् छम्ह न  कोरोना संक्रमित मलुगु धकाः अस्पतालं स्पष्ट यागु दु । सामाजिक सञ्जाल लिसें थीथी अनलाइन मिडियाय् उपचार याकाच्वम्ह छम्ह बिरामीयाके आरडिटी परीक्षणमार्फत पोजेटिभ वगु समाचार सही मजुगु धकाः अस्पतालं धागु खः ।

अस्पतालं विज्ञप्ति  पिकया बिरामीयाके आरडिटी पोजेटिभ धागु समाचार गलत जुगु धकाः स्पष्ट यागु दु । ‘सोमबार नर्भिकय् वासः याकाच्वम्ह  ५० दँया मिसायाके कोरोना आशंका जुसेलिइ पिसिआर परीक्षणया लागि वीर अस्पताल छ्वयागु धासें  विज्ञप्तिइ  परीक्षणय् लिच्व नेगेटिभ वगु धागु दु।