यल लाय्कुलिं बिनामास्क प्रवेश निषेध

यल लाय्कुलिं बिनामास्क प्रवेश निषेध


भदौ २ - विश्वसम्पदा धलखँय् तयातःगु यल लाय्कुलिं  बिनामास्क प्रवेश निषेध अभियान न्ह्याकूगु दु।

यल महानगरपालिका–१६ य् या ऐतिहासिक लाय्कु परिसरय् मनूत म्वः म्वः मुनाच्वंगुलिं नं मास्क अभियान अन्तर्गत न्हापांगु चरणय् मङगलबाः निसें थथे व्यवस्था यानागु धकाः नगर प्रहरी प्रमुख सीताराम हाछेथुं धयादिल। वयकया कथं यल लाय्कुलिं दुहाँवनिगु स्वगू ठासय् बिनामास्क प्रवेश निषेधया जनचेतनामूलक बोर्ड तयेगु नापं मास्क मतसें वयाच्वपिन्त मास्क व स्यानिटाइजर नं वितरण यानाच्वगु दु। 

मास्क मतसें जूयाच्वंपिन्त सताः कोरोनाया बारेय् जानकारी बियाः जनस्वास्थ्यया मापदण्ड पालना यायेत सुझाव बियाच्वनागु धकाः नं वयकलं धयादिल।