लिपागु २४ घाै दुने कोरोना भाइरसया न्हूपिं संक्रमित लुगु मदु : स्वास्थ्य मन्त्रालय

आतक २४,२५३  कोरोना भाइरसया परीक्षण

लिपागु २४ घाै दुने कोरोना भाइरसया न्हूपिं संक्रमित लुगु मदु : स्वास्थ्य मन्त्रालय


बैशाख ५ - स्वास्थ्य तथा जनसंख्या मन्त्रालयं वंगु  २४ घौ दुने  पीसीआर विधिपाखे जुगु कोरोना परीक्षणया झ्वलय् न्हूपिं विरामी थप मजुगु धागु दु । स्वास्थ्य मन्त्रालयया प्रवक्ता डा विकाश देवकोटां नियमित पत्रकार सम्मेलन शुक्नबाः न्हुपिं संक्रमित थप मजुगु धयादिगु खः । वयकया कथं आतक २४,२५३  कोरोना भाइरसया परीक्षण जुगु जानकारी बियादिल।  गुकिइ मध्ये र्यापिड डाइग्नोस्टिक टेस्ट (आरडीटी) विधिपाखेंं १६५६५  व पीसीआर विधिपाखे. ७,६८८ जुगु धकाः धयादिल  ।

अथेहे वयकलं र्यापिड डाइग्नोस्टिक टेस्टपाखें याइगु परीक्षण सोलुखुम्बु व डोल्पाबाहेक फुक्क जिल्लाय् सुरु जुइधुक्कुगु न धयादिल । देयन्यक ४, ६०७ म्ह क्वारेन्टाइनय् दुगु  व परीक्षण याना छ्वलिसेलिइ  इमिगु ल्या पाः जुजु वनाच्वगु धयादिल ।  शुक्रबाः तक देयन्यक मुक्क ९० म्ह आइसोलेसनय् दुगु धयादिल । अथेहे चिकित्सा विज्ञान राष्ट्रिय प्रतिष्ठान न्याम्सया ३४ म्ह चिकित्सक सुदुरपश्चिम प्रदेशय् थ्यगु न जानकारी मन्त्रालयं ब्युगु खः ।