आःतक २३६६ म्हसिगु कोरोना भाइरसया परीक्षण



चैत २६ - नेपालय् आःतक २३६६ म्हसिगु कोरोना भाइरसया परीक्षण जुगु दुसाः लिपागु  २४ घौ दुने न्हूपिं संक्रमित खनेमदुगु  स्वास्थ्य मन्त्रालयं धागु दु। बुधबाः जुगु नियमित पत्रकार सम्मेलनय् स्वास्थ्य तथा जनसंख्या मन्त्रालयया प्रवक्ता डा विकास देवकोटां न्हूपि संक्रमित खनेमदुगु जानकारी बियादिल ।

वयकया कथं आःतक स्वनिग दुने १९६५ सिया व स्वनिगपिने ४०१ म्हसिया कोरोना भाइरसया परीक्षण जुगु दु । स्वनिग व स्वनिगपिने याना मुक्कं २३६६ म्हसियां परीक्षणय् न्हूम्ह संक्रमित खनेमदुगु  डा देवकोटां धयादिल ।  वयकलं नमुना परीक्षणया ज्यायात विस्तार यानागु न धयादिल। 


नेपालय् आःतक ९ म्हसिके जक कोरोना भाइरसया संक्रमण खनेदुगु , गुकिइमध्ये १ म्ह लंका वनेधुक्कुगु दु । अस्पतालय् वास याकाच्वपिं ८ म्हसिगु अवस्था न सामान्य जुगु डा देवकोटां धयादिल ।