छम्ह कोरोना संक्रमितं ३ ,००० म्हसित संक्रमण पुंकेफू - मन्त्रालय

छम्ह कोरोना संक्रमितं ३ ,००० म्हसित संक्रमण पुंकेफू - मन्त्रालय


भदाै १४ -  स्वास्थ्य तथा जनसंख्या मन्त्रालयं कोरोना संक्रमण अप्वया वंगुलिइ अत्यावश्यक  ज्या मदयेकं छेँय् नं पिहाँवनेत हाकनं अपिल याःगु दु ।

मन्त्रालयया प्रवक्ता प्रा.डा.जागेश्वर गौतमं छम्ह कोरोना संक्रमितं ३,००० म्हसित पुंकेफुगुलिइ  सचेत जुइत इनाप यानादिल। 

वयकलं कोरोनाया आःतक छुं नं वासः मदुगु व छम्हसियां यक्वसित संक्रमण पुंकेफुगुलिइ स्वास्थ्य सुरक्षाया मापदण्ड क्वातुक्कंं पालना यायेत इनाप यानादिल। वयकलं आइसोलेसन, क्वारेन्टिनं बिस्यू मवनेत इनाप यासें अथे यासाः थःगु परिवार, पासापिं व समाजयात हे संक्रमण जुइफु धकाः  सचेत यानादिल ।  

नेपालय् आःतक ३८,५६१ म्हसित कोरोना पुष्टि जुगु दुसाः २०,८२२ म्ह लायेका अस्पतालं वनेधुक्कुगु दु। २२१ म्ह सिगु दु।