१२ डाक्टर व नर्सनापं ७१ म्ह संक्रमित जुसेलिइ वीर अस्पतालया ओपीडि सेवा बन्द

१२ डाक्टर व नर्सनापं ७१ म्ह संक्रमित जुसेलिइ वीर अस्पतालया ओपीडि सेवा बन्द


भदौ १७ -  येँया वीर अस्पतालया ओपीडी सेवा बन्द जुगु दु ।

आःतक अस्पतालया १२ म्ह डाक्टर व १२ म्ह नर्सनापं ७१ म्हसित कोरोना भाइरसया संक्रमण जुगु अस्पतालया निर्देशक डाक्टर केदार सेन्चुरीइ धयादिल। वयकया कथं सरसफाई लगायत मेपिं कर्मचारीइ नं कोरोना भाइरसया संक्रमण लुगु दु।

संक्रमण फैले जुसेलिइ अस्पतालं विज्ञप्ति  पिकया थौं व कन्हय् निन्हूया लागि अस्पतालया ओपीडी सेवा बन्द यागु धागु दु । तर ईमर्जेन्सी सेवा, फेभर क्लिनिक, आइसियू, ईन्डोर सेवा, पिसीआर ल्याब व प्रशासनया सेवात धासाः चालिगु अस्पतालं धागु दु ।