स्वनिगलय् निषेध चिकाः आदेश जारी

जारी आदेश भदाैमसान्त तक लागू जुइगु

स्वनिगलय् निषेध चिकाः आदेश जारी


भदाै १६ - सरकारं स्वनिगलय् निषेध शब्द चिकाः आदेश जारी  याःगु दु। स्वनिगःया ३ जिल्ला (येँय्, यल व ख्वप) प्रशासन ज्याकुथिइ ५ लान्हय् निसें तयातःगु निषेधाज्ञा चिकूगु खः।

बुधबाः येँय्या प्रमुख जिल्ला अधिकारी कालीप्रसाद पराजुलीइ ‘निषेध’ शब्दयात चिकाः आदेश जारी यानादिगु खः। थुपिं आदेशत भदाैं १७ गते बिहीबाःनिसें भदौ मसान्ततक लागु जुइ। आः कोभिड-१९ संकट व्यवस्थापन केन्द्रलिसें समन्वय यानाः भैतिक उपस्थितिइ स्कूल  सञ्चालन यायेदइगु निर्णय याःगु दु। अथेहे  हलत नं कन्हय् निसें चायेकेबिइगु जूगु दु। 

अनावश्यक रुपय् मनूत म्वःम्वः जुइगु, भ्वँय् लिसें नाराजुलुश यायेमदइगु आदेश याःगु दुसाः ढुवानी सुथसिया ९ ताःनिसें ११ ताःतक व न्हिनसिया ४ ताःनिसें सनिलया ७ ताःतक यायेदइगु धागु दु। सार्वजनिक व निजी निर्माण ज्याया लागि निर्माण सामाग्री ढुवानी बहनी ९ ताःनिसें सुथसिया ५ ताःतक सञ्चालन याकेबिइगु जूगु दु।