आः स्वेच्छां शःशुल्क कोरोना परीक्षण याकेदइगु

आः स्वेच्छां शःशुल्क कोरोना परीक्षण याकेदइगु


जेठ ६ -  आः देयन्यकं लक्षण खनेमदुपिं मनूतयसं नं  धिबाः पुला कोरोना परीक्षण याके दइगु जुगु दु। स्वाथ्य तथा जनसंख्या मन्त्रालयया प्रवक्ता डा.विकास देवकोटां राष्ट्रिय जनस्वास्थ्य प्रयोगशालां क्वछिनाःतगु प्रोटोकल कथं इच्छुक मनूतयसं पीसीआर व आरडीटि मार्फत कोरोना परीक्षण याके दइगु  व्यवस्था जुगु  जानकारी बियादिल । 

वयकलं परीक्षणया दायरा अप्वकेत प्रयोगशालां क्वछिनातगु मापदण्ड व सूचंया गोपनियता लिसें  नियमित रिपोर्टिङ यायेगु शर्तय् क्वछिनातगु सार्वजनिक स्वास्थ्य संस्थातयत परीक्षणया अनुमति बियागु धयादिल । वयकलं आः क्वछिनातगु सार्वजनिक स्वास्थ्य संस्थातयसं पीसीआर व आरडीटि निगुलिइ परीक्षण यायेफइगु व दररेट सार्वजनिक संस्थातयसं मापदण्ड कथं क्वछिइगु धयादिल ।

थ्वया न्हयः सरकारं संक्रमितया कन्ट्याक्ट ट्रेसिङया आधारय् प्राइमरी व सेकेण्डरी याना निःशुल्क पीसीआर परीक्षण याना वयाच्वंगु खः।