कोरोना बीमाया लागि निजी अस्पतालया रिपोर्ट मान्य जुइगु

कोरोना बीमाया लागि निजी अस्पतालया रिपोर्ट मान्य जुइगु


भदौ २९ - कोरोना बीमाया लागि निजी अस्पतालया रिपोर्ट मान्य जुइगु जुगु दु ।  

बीमा समितिं संशोधन याःगु कोरोना बीमा मापदण्ड कथं निजी ल्याबया रिपोर्टया आधारय् नं कोरोना बीमा दाबी यायेदइगु जुगु दु। थनिनिसें लागू जुइगु याना बीमा समितिया सञ्चालक समिति बैठकं कोरोना बीमा मापदण्ड २०७७ संशोधन याःगु खः। स्वास्थ्य तथा जनसंख्या मन्त्रालयपाखें कोभिड १९ परीक्षण यायेत सूचीकृत जुगु सरकारी, निजी अस्पताल वा प्रयोगशालापाखें पीसीआर परीक्षण याःबलय् संक्रमण पुष्टि जुगु सक्कल रिपोर्ट पेस यायेमाःगु मापदण्डय् न्ह्यथनातगु दु।

थ्वया न्हय् समितिं निजी ल्याबय् कोरोना परीक्षण याःबलय् पोजेटिभ खनेदसाः नं कोरोना बीमा याइपिनिगु दाबी भुक्तानी दैमखु धासेलिइ उकिया न्यकंभनं आलोचना जुगु खः। दबाबलिपा समितिं मापदण्ड संशोधन याना निजी ल्याबपाखें परीक्षण याःबलय्  नं दाबी भुक्तानी दइगु व्यवस्था याःगु खः।

संशोधित मापदण्डय् मन्त्रालयपाखें स्वीकृति कागु अस्पताल वा प्रयोगशालाय् कार्यरत कर्मचारीतयगु बीमा दाबीया लागि थःगु अस्पताल वा प्रयोगशाला वा छगू पुचया लगानी दुगु अस्पताल वा प्रयोगशाला बाहेक मेगु स्वीकृति प्राप्त अस्पताल वा प्रयोगशालापाखें पीसीआर परीक्षण याकेमाःगु व्यवस्था याःगु खः।

कोरोना बीमाया फुक्कं प्रकृया पूरा याःगु ७ न्हू दुने दाबी भुक्तानी यायेगु धकाः समितिइ धागु दु ।