र्‍यापिड टेष्टय् पोजेटिभ खनेदुपिं ६ म्हसिगु पीसीआर रिपोर्ट थाैं वइगु

र्‍यापिड टेस्टय् वगु लिच्व शतप्रतिशत सही मजुइगु फुगु विज्ञतयगु धापू

र्‍यापिड टेष्टय् पोजेटिभ खनेदुपिं ६ म्हसिगु पीसीआर रिपोर्ट थाैं वइगु


बैशाख ३ - र्‍यापिड टेष्टय्  काभ्रे, धादिङ, सप्तरी व गोरखाया ६ म्हसिके कोरोना पोजेटिभ खनेदुसेलिइ पीसीआर विधिपाखें कागु  परीक्षण रिपोर्ट थाै वयेत्यगु दु । र्‍यापिड टेष्टय्  पोजेटिभ खनेदुपिं खुम्हं हे विदेशं नेपाल लिहाँवपिं खः  । र्‍यापिड टेष्टय् पोजेटिभ खनेदुपिं काभ्रे व सप्तरीया २/२ म्ह दुसाः धादिङ व गोरखाया १/१ म्ह दु।

काभ्रेया बेथान्चोक गाउँपालिका व मण्डनदेउपुर नगरपालिकाया १/१ म्हसिके र्‍यापिड डाइग्नोस्टिक परीक्षण याःबलय्  कोरोना भाइरस (कोभिड–१९) पोजिटिभ खनेदुगु खः । किटय् पोजेटिभ खनेदुसेलिइ निम्हसित धुलिखेल अस्पतालय् भर्ना याना म्हिगःनिसें  पीसीआर विधिपाखें स्वाब परीक्षण यागुलिइ थाै परीक्षण रिपोर्ट वयेत्यगु खः।

अथेहे सप्तरीं न २ म्हसिकेआरडीटीइ पोजिटिभ खनेदुसेलिइ म्हिगः हे इमिगु स्वाब परीक्षणय् विपी कोइराला स्वास्थ्य विज्ञान प्रतिष्ठान धरान छ्वगु खः । अथेहे धादिङया ज्वालामुखी गाउँपालिकाय् जुगु र्‍यापिड टेष्टय् छम्हसिके कोरोना पोजेटिभ खनेदुगु दु । अथेहे गोरखाया आरुघाट गाउँपालिकाय् न छम्हसिके आरडीटीं कोरोना पोजेटिभ खनेदसेलिइ थप परीक्षणया लागि नमुना पोखरास्थित प्रयोगशालाय् छ्वगु खः।

र्‍यापिड टेस्टय् वगु लिच्व शतप्रतिशत सही मजुइगु फुगु धकाः विज्ञतयसं थ्वया न्हय धायेधुक्कुगु दु । पीसीआर रिपोर्ट पिइत इनाप यासे् स्वास्थ्य सेवा विभागया महानिर्देशक महेन्द्र श्रेष्ठं  र्‍यापिड टेष्टय् पोजेटिभ खनेदुसाः न आत्ते जुइमागु  अवस्था मदु धयादिल । वयकल किटय् पोजेटिभ खनेदयेवं  कोरोना मजुइ न फु धासें ‘किटया परीक्षणं भाइरस क्यनिमखु एन्टिबडी जक क्यनिइ  धयादिल ।