हाकनं पेट्रोलियम पदार्थया भाः थहाँवन

हाकनं पेट्रोलियम पदार्थया भाः थहाँवन


बैशाख ४ - नेपाल आयल निगमं हाकनं पेट्रोलियम पदार्थया भाः थकागु दु। शनिबाः चान्हय्सिया १२ ताइलंनिसें लागू जुइकथं पेट्रोल व डिजेल/मचिकं लिटरय् १ तका थकागु खः। 

न्हूगु भाःकथं स्वनिगःया लागि न्हूगु खुद्रा बिक्री मूल्य पेट्रोलया लिटरया १२१ तका व डिजेल/मचिकंया १०४ तका थ्यगु दु। निगमया कथं आन्तरिक उडानया लागि प्रयोग जुइगु हवाई इन्धनं लिटरया २ तका  थहाँवना ७६ तका कायम याःगु दु।

एलपी ग्यास व अन्तर्राष्ट्रिय उडानया लागि प्रयोग याइगु हवाई इन्धनया भाः धासाः च्वय्क्वय् जूगु मदुगु निगमं धागु दु।

थ्वया न्हयं वंगु चैत २२ गते निगमं भाः थकागु खः।