आइसोलेसनय् च्वनेबलय् छुं छुं खँय् ध्यान बिइमाः?

आइसोलेसनय् च्वनेबलय् छुं छुं खँय्  ध्यान बिइमाः?


बैशाख १४ - नेपालय् थुथाय् कोरोना भाइरस संक्रमणया निगूगु लहर वसेलिं संक्रमितत अप्वयाच्वगु दुसाः मृत्युदर नं थहाँवनाच्वंगु दु।

थुथाय् अस्पतालय् खालीगू बेड, आइसीयू, भेन्टिलेटर मालेत थाकुइ धुक्कुंगु दु।

चिकित्सकतय्सं गम्भीर समस्या खनेदुपिं बाहेक लक्षण खनेमदुपिं व सामान्य लक्षण खनेदुपिन्त छेँय् आइसोलेसनय् च्वनेत सुझाव ब्यूगु दु। छेँय् हे च्वनेबलय् नसाज्वंल व  सुरक्षाया बारेय् बालाक्क ध्यान बिइमाःगु चिकित्सकतय्गु सुझाव दु।

छु नयेगु ?
कोरोनाया इलय् बिरामीतयसं नयेगु व त्वनेगु ज्वंललय् ध्यान बिइमाः। पौष्टिक नसाज्वलं नयेत व फयाफतलें छेँय् ज्वरे याःगु नसाज्वलं नयेत चिकित्सकतयगु सझाव दु। कोभिडया इलय् शरीरया लागि भिटामिन सी व जिंक महत्त्वपूर्ण जुइ । वासःनापंनापं थुकियात प्राकृतिक स्रोतपाखें नं कायेफइ। गथें कि सन्तरासी, माैसम, खेँय् , केरा प्रशस्त मात्राय् नयेत चिकित्सकतय्गु सल्लाह दु ।

थःगु दिनचर्या गज्याःगु दयेकेगु ?

चिकित्सकतय्सं कोरोना पोजिटिभ छगु सामान्य लक्षण जूगु धागु दु। थुकिइ शरीर त्यानुसें च्वगु महसुस याकिइ। गुकिं याना आपाथें बिरामीत द्यना जक च्वनिइ।

छेँय् आइसोलेसनय् च्वनेबलय् सुथं न्हापां दनेत, हल्का व्यायाम यायेत, कोठाय् इरूथिरू यायेत व शरीरयात फिट तयेत चिकित्सकतय्सं सुझाव ब्यूगु दु। अथेहे , सफू ब्वनेगु, दिमागयात ताजा व व्यस्त यायेत नं सुझाव ब्यूगु दु। नकारात्मक सोचपाखें तापाकेगु।

क्वाःज व अक्सिजनया स्तरय् बिचा यायेगु

कोरोना भाइरसं स्वँ व श्वासप्रश्वासया लँय् दकलें यक्व स्यकेत स्वइ। उकिं बाफ कायेगु आवश्यक जू । न्हियां  न्हिथं ३–४ क्वाःलखँ बाफ कायेमाः। यदि स्टिमर मदुसाः न्ह्यागु थलय् जुसाः लं क्वाःका बाफ कायेत चिकितय्सं ब्यूगु दु ।

इलय् इलय् क्वाःज जाँच यानाच्वनेमाः। भाइरसं थःगु क्षेत्र विस्तार यायेफू। यदि ज्वर वसाः तुरुन्त चिकित्सकयात स्वापू तयेमाः ।अथेहे अक्सिजन व नाडीया स्तर जाँच यायेमाः। न्हिया न्हिथं ४,५ पल्स लेभल जाँच यायेमाः। यदि  अक्सिजनया स्तर कम जूगुथें च्वसाः चिकित्सकलिसें सल्लाह कयाः व तुरुन्त अस्पताल वनेमाः ।

परिवार व  थथितियात संक्रमणपाखें गुकथं बचे यायेगु?

छेँय् आइसोलेसनय् च्वनेबलय् थ्व खँय् विशेष ध्यान बिइमाः ।

  • थः च्वनाच्वंगु कोठाया लुखा तिनाच्वनेगु ।
  • मस्त व ज्याथा ज्याथितय्त कोठाय् मसतेगु, नसाज्वंल बिइत नं मसतेगु।
  •  नयेधुक्कां थःम्ह हे चिपः सिलेगु, सुचुपिचु यायेगु ।
  •  फयांफतलें मेपिंलिसें सतिक्क मच्वनेगु।
  •  १४ न्हूया लागि ३,४ ज्वः लं लिकया तयेगु, दराज अबलें तक तिनातयेगु।
  • प्रयोग याःगु मास्कयात सेनिटाइज यायेगु व उकियात पोलिथिनय् तयातयेगु,  १४ न्हू लिपा डिस्पोज यायेगु ।
  • कोरोनामुक्त जुइधुक्का फुक्कं कोठायात सेनिटाइज यायेगु, प्रयोग याःगु रूमाल, मेमेगु लं हिइगु व बालाक्क निभालय् पायेगु।
  •  १४ न्हू लिपा पुलांगु हे दैनिकीइ लिहाँवनेगु, सकारात्मक सोच तयेगु।