येँय् महानगरया पूर्व मेयरलिसें पूर्व यातायातमन्त्री प्रयागराज सिंह सुवाल मन्त

येँय् महानगरया पूर्व मेयरलिसें पूर्व यातायातमन्त्री प्रयागराज सिंह सुवाल मन्त


बैशाख ५ - नेपाली काँग्रेसया पुलांम्ह नेता लिसें पूर्वमन्त्री प्रयागराज सिंह सुवाल ९३ दँया बैशय् मन्त।

येँय् महानगरपालिकाया पूर्व मेयरलिसें पूर्व यातायातमन्त्री सुवाल थौं सनिलया ७ः५५ ताईलय्  थःगु हे छेँय् ओमबहालय् मदुगु खः। वयकयात ताइलंनिसें उच्च रक्तचाप व जलास्येँय् सम्वन्धि समस्या जुयाच्वंगु खः। २०१० सालय् जूगु येँय् नगरपालिकाया न्हापांगु निर्वाचनय् वय्क नगरउपसभापति (उपमेयर) य् निर्वाचित जुयादिगु खःसाः येँय् नगरपालिकाया निगूगु निर्वाचनय् वय्क मेयरय् निर्वाचित जुयादिगु खः। सुवाल वि स २०३० सालय् नगेन्द्रप्रसाद रिजाल प्रधानमन्त्री जुयादिगु इलय्  यातायातमन्त्री जुयादिगु खः।

राणा शासकं शुक्रराज शास्त्री, धर्मभक्त माथेमा, दशरथ चन्द व गङ्गालाल श्रेष्ठयात स्यायेधुक्कां राणाविरोधी आन्दोलनय् ब्वति कयादिम्ह सुवालं ताईतक जेलजीवन हनादिगु खःसाः समाजसेवाय् नं वय्कया आपालं योगदान दु।