मेगु हे ल्वचं याना शल्यक्रिया यायेमापिंन्त कोरोना खनेदतकि अस्पतालं लितछ्वयाच्वन

आईसोलेशन बेड खाली मदुगुलिइ डिस्चार्ज यायेमाःगु धापू

मेगु हे ल्वचं याना शल्यक्रिया यायेमापिंन्त कोरोना खनेदतकि अस्पतालं लितछ्वयाच्वन


असोज २१ - मेगु हे ल्वचं  शल्यक्रिया यायेमाःपिं बिरामीयाके कोरोना संक्रमण खनेदतकि अस्पतालं शल्यक्रिया मया:गु लुगु  दु ।

शल्यक्रियाया लागि आवश्यक फुक्कं वासजन्य सामान न्याका नं  कोरोना पोजेटिभ खनेदतकि अस्पतालं शल्यक्रिया मयाःगु लुगु खः । छुं दिं न्हय् स्वास्थ्य तथा जनसंख्या मन्त्रालयया प्रवक्ता डाक्टर जागेश्वर गौतमं कोरोना संक्रमणया नामय् शल्यक्रिया मदिकेत  अस्पतालतयत निर्देशन बियादिगु खः । तर अस्पतालं धासाः कोरोना संक्रमित तयेत आइसोलेशन बेड मदुगु धासें शल्यक्रियाया अन्तिम तयारी यापिं विरामीतयत नं लितछ्वयाच्वंगु लुगु खः ।

प्वाः फुलेजुइगु थज्यागु समस्या दुम्ह धादिङया मिसामचायात येँया त्रिवि शिक्षण अस्पतालय् शल्यक्रिया यायेत फुक्क वासजन्य सामान न्याके बिया शल्कक्रिया यायेन्हय् पीसीआर परीक्षण याबलय्  रिपोर्ट पोजेटिभ वसेलिइ डिस्चार्ज यानाब्यूगु परिवारं धागु दु । अस्पतालं धासाः आईशोलेशन बेड अभावय् आः शल्यक्रिया मयानागु धकाः धागु दु।