निजी सवारीइ जोर-बिजोर लागू, पसःत बारअनुसार चालिगु

निजी सवारीइ जोर-बिजोर लागू, पसःत बारअनुसार चालिगु


असार ६ - सरकारं स्वनिगलय् निषेधाज्ञायात थप छ्वासुकाः निजी सवारी साधन सञ्चालनया अनुमति ब्यूगु दु। थौं स्वनिगःया सीडीओतय्गु बैठकं निजी सवारी जोर–बिजोर प्रणालीइ न्ह्याके बिइगु निर्णय याःगु खः।

निजी गाडीइ यात्रा यायेबलय् अप्वोखँय् ४ म्हसित अनुमति बिइगु यलया सीडीओ ढुण्डीप्रसाद निरौलां धयादिल। अथेहे, मोटरसाइकलय् २ म्हसियां यात्रा यायेफइगु जूगु दु । ट्याक्सीतय्त नं जोर बिजोरकथं न्ह्याके बिइगु जूगु दु । 

आइतबाः, मंगलबाः व बिहीबाः सुथसिया ११ निसें न्हिनसिया ४ ताईतक लुँ, थलबल , अटो मोबाइल्स, विद्युतीय सामानया पसः चायेके दइगु जूगु दु। सोमबाः, बुधबाः व शुक्रबाः सुथसिया ११ ताईनिसें न्हिनसिया ४ ताईतक सपिङ मल, कापं, लाकां, पर्सी , कस्मेटिक्स, फेन्सी टेलरिङ पसः चायेकेदइगु जूगु दु।

नसाःज्वंल, दुरू, सफू लगायतया पसः सुथसिया ११ ताईतक  जक चायेकेदइ धासाः रेष्टुरेन्ट, होटलतयसं टेक अवे व होम डेलिभरी जक यायेदइ । हार्डवेयर पसःत न्हिया न्हिथं सुथसिया ११ ताईनिसें सनिलया ६ ताईतक चायेकेदइ। शनिबाः अत्यावश्यक बाहेकया पसःत चायेकेदइ मखु। सरकारी व सार्वजनिक संस्थानया ज्याकुथिइ सीमित कर्मचारी तया जक संचालन यायेत अनुमति ब्यूगु दु।