स्वनिगलय् पसः व व्यापार खुला, गाडीइ जोरबिजोर प्रणाली कायम

स्वनिगलय् पसः व व्यापार खुला, गाडीइ जोरबिजोर प्रणाली कायम


असाेज १ - स्वनिगलय् थनिनिसें फुक्कं पसः व व्यापार चायेके दइगु जुुगु दु। थ्वया न्हय् क्वःछिनातगु  बार व इलय् जक पसः चायेके दुगु व्यवस्था चिकुगु दु।

जिल्ला प्रशासन ज्याकु येँय् नं सूचं पिकया थ्वया न्हय् तःगु पसः चायेकेगु इ व बार निगुलिइ प्रावधान  चिकुगु खः। स्वनिगलय् पिने वनिगु व स्वनिगलय् दुहाँवइगु सवारी साधनयात मेगु आदेश मजुतलेया लागि खुला याःगु दु।

तर सार्वजनिकलिसें निजी गाडीइ जोरबिजोर प्रणाली धासाः मेगु व्यवस्था मजुतलेया लागि तयातगु हे दनिइ। अथेहे शिक्षण संस्था सञ्चालन, गोष्ठी, सभा सम्मेलनय्  नं रोक तयातगु दु । अथेहे सैलुन लिसें ब्युटी पार्लर, सिनेमा हल, जिम, पब व स्पा धासाः चायेकेदइ मखु। म्वःम्वः जुइगु बाहेक मेमेगु व्यवसाय सुरक्षा मापदण्ड नाला सञ्चालन याके बिइगु निर्णय जुगु प्रशासनं धागु दु।

थ्वया न्हय् मन्त्रिपरिषद्या बैठकं बिहीबाःनिसें ताःहाकगु दूरीया यातायात, होटेल–रेस्टुरेन्टलगायत व्यवसाय सञ्चालन याके बिइगु निर्णय यायेधुक्कुगु दु।