कुलमानया समर्थनय् ठाय् ठासय् जुलुस

माइतीघरय् प्रहरीइ केकल लःया फोहोरा

कुलमानया समर्थनय् ठाय् ठासय् जुलुस


भदाै ३१ - नेपाल विद्युत प्राधिकरणया  कार्यकारी निर्देशकय् हाकनं कुलमान घिसिङ्गयात नियुक्त यायेमाःगु मागनापं  येँया माइतिघरय् प्रदर्शनय् कुहाँवपिन्त प्रहरीइे तितरवितर याःगु दु।

थःगु कार्यकाल पूरा याना प्राधिकरणं बिदा जुम्ह कुलमानयात सरकारं हाकनं  नियुक्त मयासेलिइ वयकया समर्थकत प्रदर्शनय् कुहाँवगु खः। प्रदर्शन यायेत थ्यपिं कुलमान समर्थतयत प्रहरीइ लया फोहोरां केकुगु खः ।

प्राधिकरणया  कार्यकारी निर्देशकय् हाकनं कुलमानयात नियुक्त यायेमाःगु मागनापं  वयकया समर्थनय् बुधबाः ठाय् ठासय् जुलुस पिहाँवगु खः ।

कुलमान घिसिङ्ग भदौ २८ गते प्यदँया कार्यकाल पूरा याना प्राधिकरणं  बिदा जुयादिगु खः। उर्जा, जलस्रोत तथा सिँचाइमन्त्री वर्षमान पुनं प्राधिकरणया निमित्त कार्यकारी निर्देशकय् लेखनाथ कोइरालायात म्हिग नियुक्त यानादिगु खः ।