ख्वपय् भदाै १५ गते तक सार्वजनिक यातायात बन्द

ख्वपय् भदाै १५ गते तक सार्वजनिक यातायात बन्द


भदाै २ - ख्वपय् कन्हय् निसें भदाै १५ गते तक सार्वजनिक यातायात बन्द याइगु जुगु दु।

ख्वप नगरपालिकाया प्रमुख सुनिल प्रजापतिया अध्यक्षताय् मंगलबाः च्वंगु ख्वपदे दुनेया यातायात व्यवसायीया प्रतिनिधितलिसेंया बैठकं सार्वजनिक यातायात बन्द यायेगु निर्णय यागु खः।

बैठकं हलिन्यकं हे महामारीया रुपय् फैले जुयाच्वंगु कोरोना भाइरसया संक्रमण नेपालय् नं तीव्र गतिं अप्वयाच्वगु व स्वनिगःनापं देयया थीथी ठासय् नं न्हिया न्हिथं सलंसया ल्याखँय् संक्रमितत थप जुयाच्वंगु व ख्वपय् नं संक्रमितत अप्वयाच्वगुलिइ संक्रमण समुदायस्तरय् फैले जुइके मबिइत ख्वप देय् दुने सञ्चालन जुइगु चिहाकःगु दुरीया सार्वजनिक यातायात भदौ ३ गतेनिसें भदौ १५ गतेतकया लागि पूर्ण रुपं बन्द यायेगु निर्णय यागु खः।