कोरोनां क्योकुसिन कराते कासामी रामजीप्रसाद बज्राचार्य मन्त

कोरोनां क्योकुसिन कराते कासामी रामजीप्रसाद बज्राचार्य मन्त


बैशाख २१ – कोरोना भाइरसया संक्रमणं क्योकुसिन कराते न्हापांगु ब्याचया कासामी रामजीप्रसाद बज्राचार्य मन्त । वय्क बलम्बुया सशस्त्र प्रहरी अस्पतालय् वासःया झ्वलय् थौं मदुगु खः।

वंगु वैशाख १६ गते कोरोनां संक्रमित जुसेलिं ६६ दँया बज्राचार्ययात गणेशमान सिंह मेमोरियल अस्पताल भर्ना यागुलिं अन वैशाख १९ गते थप उपचारया लागि सशस्त्र प्रहरी अस्पताल यंकूगु खः।

बज्राचार्यं सन् १९८२ य् सिंगापुरलिसें सन् १९८४ य् इण्डोनेसियाय् जूगु अल एसिया फुल कन्ट्याक्ट कराते च्याम्पियनसिपय् प्रतिस्पर्धा यानादिगु खः। इन्डोनेसियाय् जूगु प्रतियोगिताय् वय्कलं कास्य पदक कयादिगु खः। विसं २०३९ निसें क्योकुसिन कराते  म्हिताच्वनादिम्ह बज्राचार्य निकः राष्ट्रिय च्याम्पियन जुयादिगु खः।