बुंगद्यः रथ सालेगु क्वचाल, याः न्यात

यलय् थाैं छ्वयलाभू

बुंगद्यः रथ सालेगु  क्वचाल,  याः न्यात


भदाै २१ - कोरोना भाइरसया संक्रमणया कारणं स्वास्थ्य मापदण्ड पूंवका व्यवस्थित कथं  बुंगद्यःया रथ व चकबाःद्यःया रथ थाैं सागु दु। 

पुच्वय् तयातगु बुंगद्यःया रथयात घमा फल्चातक सागु खसाः गाबहालय् तयातगु चकबाःद्यःया रथयात पुच्वतक सागु खः । थ्वलिसें यलय् थाैं याः न्यागु दु। थाैं गाःबहा जात्रा व्यवस्थापन समिति,  वछुत्वा नुगः जात्रा व्यवस्थापन समिति, लंगया बुंगद्यः जात्रा व्यवस्थापन समिति व जावलाख्यः जात्रा व्यवस्थापन समितिपाखें रथ सागु खःसा धिमे बाजं, काः बाजं व नायखिं बाजंया  नं ब्वति दुगु खः ।

अथेहे द्यःसालिपिनिगु लागि काय्गुननी त्वाःपाखें टिसर्ट व तपुलिइया व्यवस्था यागु खः। स्वास्थ्य सुरक्षाया लागि माक्स, पन्जा व भाइजर व सानिटाइजरया नं व्यवस्था जुगु खः। 

अथेहे बुंगद्यः व चकबाःद्यःया रथ सालेगु झ्वलय् ज्यापू समाज यल, नेपालभाषा मंका खल यल, १९ गू जाति खलः पुचया नाय, यल महानगरपालिकाया मेयर, उपमयेर, सासदपिं, ललितपुरया प्रमुख जिल्ला अधिकारी, प्रहरी प्रमुखत, गुथि संस्थानया प्रमुख, जात्रा व्यवस्थापनया कजि लगायतया ब्वति दुगु खः। अथेहे रथ सालेगु झ्वलय्  गाःबहा, वछुत्वा नुग, लंगया, जावलाख्यः, थीथी जाति खःल पुचपाखें स्वयमसेवक परिचालन यागु खसाः हपाः बिइगु जिम्मा काय्गु ननी त्वालं कागु खः।