बुंगद्यःया रथ पनिस्था पुजा जुल

बुंगद्यःया रथ पनिस्था पुजा जुल
तस्विरः सुप्रिन्स शाक्य


बैशाख २२ - यलया बुंगद्यया जात्राया लागि याःयेमाःगु छगु पुजा मध्ये रथ पनिस्था पुजा जुगु दु। पुजा म्हिगः यलया पुच्वय् जुगु खः। पनिस्था पुजा धकाः द्यःयात रथय् विज्याकेन्हय् यायेमाःगु पुजात मध्येया छगु पुजा खः ।

म्हिग पान्जुत नाप मजिमगापिं सिमित मनूत जक च्वना पुच्वय् पुजा जुगु खः । दँय् दसं चौलागा अष्टमी खुन्हू बुंगद्यःया रथ पनिस्था पूजा याइगु खः।  पनिस्था पूजा पुच्वय् रथ दयेकिगु  ठाय् क्वय् योगाम्बर पीठय् याइगु खः।

थ्व पूजाय् वइगु दँय्या रथय् च्वनिपिं २ म्ह मूल पुजारी जल पान्जु व खल पान्जु लिसें ग्वा:पाला पान्जु च्वनाः  पूजा याइखसाः पूजा लिपा बौ होलिगु खः।

थुगुसिइ बुंगद्यःयात वइगु २९ गते रथय् विज्याकाः जेठ १ गते निसें रथ सालेमाःगु पात्रोय् न्ह्यथनातगु दु।   

तस्विरः सुप्रिन्स शाक्य