प्यन्हू विचाः पूजालिसें बुंगद्यःया जात्रा क्वःचाल

प्यन्हू विचाः पूजालिसें बुंगद्यःया जात्रा क्वःचाल


जेठ ८ –  थुगुसिया बुंगद्यःया जात्रा औपचारिक रुपं क्वचाइगु दु। बुंगद्यःयात वंगु ५ गते बुंगय् लिहाँकुगु खःसाः थौ सुथय् प्यन्हू विचाः पूजा जुगु खः। थ्वनापं थुगुसियां बुंगद्यःया जात्रा औपचारिक रुपं क्वचाइगु दु। बुंग द्यःयात बुंगय् लिहाँविज्याःकुगु प्यन्हु खुनु विचाः पूजा वनेगु परम्परा दु।

मेमेबलय् जुसाः  बुंगया बहालय् विचाः पूजा वनाच्वंपिं म्वःम्वः दइगु खसाः थुगुसिइ कोरोना भाइरसया संक्रमणया कारणं विचा पुजाय् सिमित भक्तजनतय्सं जक ब्वति काःगु स्थानीय सुरेन्द्र तुलाधरं नेपालमण्डल टेलिभिजनयात धयादिल।  

थुगुसिइ नं थगुनेथें कोरोना भाइरसया जोखिमया कारण बुंगद्यःया जात्रा चिहाकः यायेगु सहमती जूगु खः। बुंगद्यःयात बैशाख १५ गते न्हवं याना १६ गतेनिसें पुच्वय् रथ दयेकाः बैशाख २९ गते रथय् विज्याकुगु खःसाः जेठ १ गते पुच्वं मन्दफल्चा तक छत्वाःचा सागु खः। अनंलिपा जेठ ५ गते बुंगय् लिहाँविज्याकुगु खः।