पुनःनिर्माणलिपा पाटन माध्यमिक विद्यालय थथे खनेदत(फोटो)

पुनःनिर्माणलिपा पाटन माध्यमिक विद्यालय थथे खनेदत(फोटो)


बैशाख ६ - खुदँ न्हय्या गोरखा भ्वखाचं क्षतिग्रस्त यल महानगरपालिकादुनेया पाटन माध्यमिक विद्यालयया पुनःनिर्माण क्वःचागु दु ।

जापान सरकारया त्यासाः ग्वाहालिइ पुनःनिर्माण यलध्वाखा लिक्क दुगु स्कूल भवनया प्रधानमन्त्री केपी शर्मा ओलीइ थाैं उलेज्या यानादिगु खः ।

विसं १९८१ य् स्थापना जूगु स्कूलया भवन २ दँलिपा १९८३ सालय् निर्माण जूगु खसाः थ्व भवन विसं २०७२ वैशाख १२ गतेया भ्वखाचं क्षतिग्रस्त जूगु खः।

जापान सरकारया १६ करोड त्यासा ग्वाहालिइ पुनःनिर्माण जूगु स्कूलय्  २७ कक्षाकोठा दु।

पाटन माध्यमिक विद्यालयय् थुथाय्  ८३३ ब्वमित ब्वनाच्वंगु दु।