निजी फर्म नवीकरणया अवधि थप

निजी फर्म नवीकरणया अवधि थप


पुस २० - सरकार निजी फर्म नवीकरणया अवधि थप याःगु दु।

थीथी कारणं ताईतक नवीकरण मजुगु निजी फर्म नवीकरणया लागि सरकारं वइगु असार मसान्ततकया ई ब्यूगु खः ।  सीमित शुल्कय् आवश्यक भ्वँनापं नवीकरणया निवेदन बिइफइगु अवसर ब्यूगु वाणिज्य, आपूर्ति तथा उपभोक्ता हित संरक्षण विभागं धागु दु । विभागया निर्देशक लिसें सूचना अधिकारी शिवराज सेढाईं साविकया नियमित नवीकरण यायेबलय् तुइगु शुल्कय् २० लख अधिकृत पूँजीसिबे  कम दुगु फर्मया लागि वार्षिक २ द्वःया दरं व  २० लखसिबे अप्व पूँजी दुगु फर्मया लागि वार्षिक ५ दवःतकाया दरं थप नवीकरण शुल्क क्वःछिउगु धयादिल । थ्व शुल्क पुला ताईनिसें नवीकरण दिउगु निजी फर्मं नवीकरण यायेगु लँ चागु खः।

विभागय् दर्ता जुगु ५ दवः निजी फर्ममध्येय् बच्छि मल्याकसियां  नवीकरण याःगु मदु। नेपाल सरकारं क्वःछिउगु निकायलय् दर्ता मयासें व्यावसायिक प्रकृतिया प्राइभेट फर्म सञ्चालन याये मदइगु कानूनी व्यवस्था दु।