पुच्वय् राजकीय अतिथि गृह दयेकिगु

पुच्वय् राजकीय अतिथि गृह दयेकिगु


भदौ ४ -  यलया पुच्वय् राजकीय अतिथि गृह दयेकिगु प्रक्रिया न्ह्यागु दु। डेढ अर्ब तकातिया लागतय् अतिथि गृह निर्माण यायेत्यगु खः।

आःयागु मन्त्री निवास परिसरय् दयेकिगु अतिथि गृहया लागि  विस्तृत परियोजना प्रतिवेदन (डीपीआर) लिसें विस्तृत ‘डिजाइन’ व ‘ड्रोइङ’ या ज्या नं क्वःचागु जानकारी सहरी विकास तथा भवन निर्माण विभागअन्तर्गतया विशेष भवन निर्माण आयोजना समन्वय ज्याकुया निर्देशक दिलीपशेखर श्रेष्ठं बियादिल।

थीथी देय्या राष्ट्राध्यक्ष, सरकार प्रमुख व विशिष्ट व्यक्तितपाखें जुइगु नेपाः भ्रमणया मझ्वलय् वयकपिन्त छुं नं होटलय् मतसें राज्यया हे स्वामित्वय् दुगु अतिथि गृहलय् तयेगु व्यवस्था यायेगु यानाः राजकीय अतिथि गृह निर्माण प्रक्रिया सुरु जूगु खः।

राजकीय अतिथि गृहया लागि नितजाःया ८ गू भवन व छगू सामुदायिक सभाहल निर्माण याइगु जूगु दु।