सक्वय् म्हासुख्वाः माजुया जात्रा न्ह्यानाच्वन

सक्वय् म्हासुख्वाः माजुया जात्रा न्ह्यानाच्वन
फाइल किपाः


बैशाख १६ - दँय् दसं चौलाथ्व पून्हिनिसें ८ न्हूतक सक्वय् जुइगु बज्रयोगिनी उग्रतारा द्यः म्हासुख्वाः माजुया जात्राया झवलय् थौं सक्वय् नखः हनाच्वंगु दु।

जात्रा म्हीगः शुरु जूगु खः। जात्राया झ्वलय् म्हिगः अन शून्य खसाः थौं नख हनाच्वंगु दु । थुगुसिइ कोरोना भाइरसया सङ्क्रमणं बचे जुइत स्वास्थ्य सुरक्षाया मापदण्ड पालना यानाः सक्वय् खःयात्रा सुरु याःगु खः।

जुजु शङ्खदेवया पालय् कलिगत संवत् १८१८ निसें शुरु जूगु ऐतिहासिक, धार्मिक व सांस्कृतिक दृष्टिं महत्वपूर्ण जात्रा थगुने कोरोनापाखें बचे जुइत तःगु लकडाउनया कारण स्थगित जूगु खः।  जात्राय् हरेक खट ५० मिटरया फरकय् तयाः यागु व चलाखु टोल सुधार समितिइ मास्क व स्यानिटाइजर नं वितरण याःगु बज्रयोगिनी जात्रा व्यवस्थापन समितिया कजि प्रज्ज्वलमान सिंं धयादिल ।

चौलागा अष्टमीतक जुइगु थ्व जात्राय् बज्रयोगिनी उग्रतारा म्हासुख्वाः माजु, चैत्यभराद , सिंहीनी व व्याघ्रिनी द्यःयात ४ खटय् तयाः जात्रा याइगु परम्परा दु ।

३,३००  दँ मल्याकं ताःहाकगु इतिहास दुगु जात्रा थगुनेनापं स्वकः यायेमखंगुलिं थुगुसिइ स्वास्थ्य सुरक्षाया विधि नालाः याःगु  व्यवस्थापन समितिइ धागु दु। जुगु रणबहादुर शाहया शासनकालय् बिफर ल्वय्या महामारी व १९७० सालय् बज्रयोगिनी देगः मिं नगुलिइ जात्रा मजुगु स्थानीय संस्कृतकःमी प्रकाशमान श्रेष्ठं धयादिल ।

शङ्खरापुर नगरपालिका–४, ७ व ८ या दथुइ दुगु बज्रयोगिनी देगलय् खः क्वबिया सक्वया ८ गू त्वाःमध्ये प्यगू त्वालय् तइगु खः । थुगुसिइ चलाखु त्वाःया न्हलुवाय् बज्रयोगिनी जात्रा मूल व्यवस्थापन समितिमार्फत जात्रा संचालन जुयाच्वंगु खः।