सक्वया माधवनारायण धलंः थनिनिसें स्वगूगु चरणया परदेश यात्रा

सक्वया माधवनारायण धलंः थनिनिसें स्वगूगु  चरणया परदेश यात्रा


फागुन ११ - सक्वय् न्ह्यानाच्वंगु लच्छि ताःहाकःगु माधवनारायण धलंया झ्वलय् थनिंनिसें स्वगूगु चरणया परदेश यात्रा न्ह्यायेत्यंगु दु।

लच्छि ताःहाकःगु धलंया झ्वलय् धल दनाच्वंपिं सक्वं परदेश यात्राय् पिहाँवनाः प्यंगू ठासय् धलं दनेमाःगु परम्परा दु। थाैं सक्वय् नियमित धलं दना न्हिनसिया २ ताइ लिपा अन्तिम परदेश यात्रा कथं चाँगुइ वनेत्यगु खः। दँय् दसं सिल्लाथ्व एकादशी खुन्हू सक्वं चाँगु वना बाय् च्वना द्धादशी खुन्हू चाँगुइ धल दना सक्वय् लिहावइगु परम्परा दु।   

सिंपून्हि खुन्हू धलं क्वःचायेकेगु झ्वलय् याइगु अश्वमेघ यज्ञया लागि एकमुखे रुद्राक्ष, लुँया पलेस्वां, जाकि व सच्छि व च्याताजि स्वां माःगुलिं व फुक्क मुंकेत पशुपति, फम्पी , चागुँनारायण व पन्तिइ धलं दंंगु धार्मिक किवंदन्ती दु।

थुगुसिइ माघ १५ गतेनिसें शुरु जुगु सक्वय् धलं ४९ म्हसिया दनाच्वगु दु । धलं वइगु फागुन १५ गते सिंपून्हि खुन्हू क्वःचाइ।