स्यस्य: समाज यलया भवन निर्माणया लागि जग स्वन

स्यस्य: समाज यलया भवन निर्माणया लागि जग स्वन


साउन ९ - स्यस्यसमाज यलया भवन निर्माणया लागि जग स्वनेगु ज्या जूगु दु। यल महानगरपालिकाया वडा ल्याः १६ य् भवन निर्माणया लागि शनिबाः जग स्वनेगु ज्या जूगु खः।

वांगमय  शताब्दी पुरुष डा  सत्यमोहन  जोशीपाखें वर्तमान परिस्थितियात बिचाः याना वय्कया छेँय् संकल्प पूजा यानाः  भवन निर्माण स्थलय् सुथय् ८:४२ या साइतय् जग पूजा याःगु खः। 

साइत  पुजालिपा जूगु औपचारिक ज्याझ्वलय् समाजया अध्यक्ष ई सुरेन्द्र गोविन्द जोशीइ लसकुस न्वचु बियादिगु खसाः यल  महानगरपालिकाया मेयर चिरीबाबु महर्जनं  भिन्तुना बियादिगु खः। ज्याझ्वलय्  स्यःस्यः समाजया न्वकूू नवीनमंगल  जोशीइ  सुभाय् लिसें सभा क्वःचायेका दिगु खः। 

ज्याझ्वलय् प्रदेश सभाया सांसदत ज्ञानेन्द्र शाक्य व शोभा शाक्यउप मेयर गीता सत्यालवडा अध्यक्षत निर्मल रत्न शाक्य व बिनोद ताम्राकार,स्यःस्यः समाजया  सल्लाहकारत  गोपाल  मान  श्रेष्ठ  व अजर  मान  जोशी, यल  उद्योग वाणिज्य संघया अध्यक्ष मनोज न्याछृयों, स्यःस्यः समाजका क्षेत्र २ या अध्यक्ष एवमं केन्द्रीय सदस्य उत्तम लाखे, स्यःस्यः समाजया थीथी क्षेत्रया अध्यक्षत, स्यःस्यः  समाजया केन्द्रीय पदाधिकारीत, थीथी  जातीय  समाज  व संघसंस्थाया अध्यक्षलिसें प्रतिनिधितय्गु ब्वति दुगु खः। 

स्यःस्य समाजया भवन निर्माणया लागि डा भरत बहादुर अमात्यं  सहुलियतं जग्गा उपलब्ध यानाःदिगु खः।