स्वनिगलय् ८२ आइसियु व २७  भेन्टिलेटरय् गम्भीर सङ्क्रमिततयगु वासः जुयाच्वन

स्वनिगलय् ८२ आइसियु व २७  भेन्टिलेटरय् गम्भीर सङ्क्रमिततयगु वासः जुयाच्वन


असोज २३ - सरकारं कोरोना भाइरसया गम्भीर सङ्क्रमिततयत  उपचार यायेत स्वनिगलय्  १८१ आइसियु व ७६  भेन्टिलेटर दुगु धागु दु ।

स्वास्थ्य तथा जनसङ्ख्या मन्त्रालयया प्रवक्ता डा जागेश्वर गौतमं स्वनिगलय् १८१ आइसियु व ७६ भेन्टिलेटर दुसाः नं ८२ आइसियु व २७  भेन्टिलेटरय् गम्भीर सङ्क्रमिततयगु वासः जुयाच्वंगु जानकारी बियादिल । वयकया कथं अझं ९९  आइसियु व ४९ गू  भेन्टिलेर खाली हे दु । वयकलं सामान्य लक्षण व लक्षणविहीन सङ्क्रमिततयसं मन्त्रालयं क्वःछिनातःगु मापदण्ड पुरा याना छेँय् हे आइसोलेसनय् च्वनेत नं इनाप यानादिल ।

मन्त्रालयं छेँय् च्वनेत सम्भव मदुसाः  टोल फ्रि नं ११३३ नम्बरय् स्वापू तयेत व स्वास्थ्यय् छुं न समस्या जुसाः अस्पताल वनेत इनाप याःगु दु  । थप जानकारी मासाः ९८५१२५५८३७ व ९८५१२५५८३९ य् स्वापू तयेत नं  मन्त्रालयं इनाप यागु दु ।