सर्बोच्चया न्हापांम्ह महिला न्यायाधीश सिलु सिंह मन्त

सर्बोच्चया न्हापांम्ह महिला न्यायाधीश सिलु सिंह  मन्त


जेठ ९ -  सर्बोच्च अदालतया न्हापांम्ह महिला न्यायाधीशलिसें न्हापांम्ह मिसाम्ह रेडियाे पत्रकार सुशीला सिंह सिलु ८५ दँया बैशय् मन्त।

वयक थाै यलया भैसेपाटीइ च्वंगु मेडिसिटी अस्पतालय् मदुगु धकाः नेपाल खड्गी सेवा समितिया नायलिसें अधिवक्ता अन्जिता खड्गी जानकारी बियादिल। 

वयकलं  सन् १९५९ य् भारतीय राजधानी दिल्लीया अल इन्डिया रेडियाे आकाशवाणीइ  नेपाली भाषाया ज्याझ्वः न्ह्याकादिगु खः।  २०२० फागुन ८ य् अधिवक्ता प्र.प.नं.७३ प्राप्त यानादिम्ह वयक २०३३ जेठ १७ य्  वरिष्ठ अधिवक्ता (प्र.प.नं. २७) जुयादिगु खः । वयक २०५८ सालनिसें २०६३ सालतक सर्वोच्चया न्यायाधीश जुयादिगु खः ।

मदुम्ह सिंह  न्हापांम्ह महिला अधिवक्ता, वरिष्ठ अधिवक्ता व सर्वोच्च अदालतया न्हापांम्ह महिला न्यायाधीश जुयादिइ लिसें वयक राष्ट्रिय मानवअधिकार आयोगया पूर्व दुज न जुयादिइ।