कोरोनाया संक्रमण लायेका छेँय् वपिनिगु ल्याः ६०२ थ्यन

कोरोनाया संक्रमण लायेका छेँय् वपिनिगु ल्याः ६०२ थ्यन


जेठ २८ - नेपालय् कोरोनाया संक्रमण लायेका छेँय् वपिनिगु ल्याः खुसः व निम्ह थ्यगु दु ।

जुम्लाय् वासः याकाच्वपिं झिंच्याम्ह अस्पताल डिस्चार्ज जुसेलिइ लायेका वपिनिगु ल्याः ६०२ थ्यगु खः । कर्णाली स्वास्थ्य विज्ञान प्रतिष्ठान शिक्षण अस्पतालया आईसियूलय् वासः याकाच्वपिं झिंच्याम्हसिगु रिपोट नेगेटिभ वसेलिइ इमित छेँय् छ्वयागु धकाः जुम्लाया प्रमुख जिल्ला अधिकारी भूपेन्द्र थापां धयादिल । म्हिगतक ५८४ म्ह लायेका छेँय् वगुलिइ आः १८ म्ह थप जुगु खः।

थुथाय् देयन्यकया थीथी अस्पतालयया आइशोलेसनय ३४७० म्हसिया वास जुयाच्वंगु दु। 

म्हिगः कोरोना विशेष अस्पताल जनकपुरं स्वीम्ह डिस्चार्ज जुगु खः। अथेहे येँया बलम्बुं येँया छम्ह मिसाः डिस्चार्ज जुयादिगु दु । बाँकेय् नीगुम्ह डिस्चार्ज जुगु मन्त्रालययाा प्रवक्ता डाक्टर जागेश्वर गौतमं धयादिल। अथेहे धरानं झापाया नीच्याम्ह लायेका छेँय् वंगु दु। दाङय् वासः याकाच्वपिं बर्दियाया प्यम्ह व जिल्ला अस्पताल दैलेखं छम्ह याना न्याम्ह लायेका छेँय् वंगु खः।