यलय् छगु हे परिवारया खुम्ह कोरोना संक्रमित

यलय्   छगु हे परिवारया खुम्ह कोरोना संक्रमित


साउन १३ - यलय् सोमबाः थप जुपिं न्याम्ह कोरोना संक्रमितमध्ये प्यम्ह थ्वया न्हय हे कोरोना संक्रमण खनेदुगु परिवारया दुज जुगु सीइदुगु दु।

छुं दिं न्हय  वीरगन्जं वम्ह ६७ दँया मिसायाके कोरोना संक्रमण खनेदुगु खः। वयकया  कन्ट्याक्ट ट्रेसिङया झ्वलय् याःगु परीक्षणय् उगु परिवारया थप ५ म्हसिके  कोरोना संक्रमण खनेदुगु स्वास्थ्य सेवा विभाग इपिडिमियोलिजी तथा रोग नियन्त्रण महाशाखां धागु दु। 

उम्ह मिसाया  ४४ दँया काययाके कोरोना संक्रमण वंगु साउन १० गते हे  पुष्टि जुगु खः। सोमबाः वगु रिपोर्टय् परिवारया मेपिं प्यम्ह दुजयाके नं  कोरोना संक्रमण खनेदुगु  महाशाखां धागु दु।

सोमबाः कोरोना पुष्टि जुगु उगु परिवारया मेपिं दुजलय् ३९ दँया मिसा, १० दँया मिसामचा, ५ दँ व २ दँया मिजंमस्त दुगु खः । कोरोना पुष्टि जुगु उगु परिवारया फुक्क दुजतयत पाटन अस्पतालया आइसोलेसनय् तयातगु दु।

अथेहे म्हिगः थप जुम्ह यलया छम्ह कोरोना संक्रमित धासाः लच्छि न्हय्  दुबईं लिहाँवम्ह २९ दँया मिजं जुगु सिइदुगु दु। गोदावरी नगरपालिका–११ वादेयया वयक वादेयया साग्रिला क्वारेन्टाइनय् च्वनाच्वगु खः।